ADIPEC 2026 көрмесі 240 000-нан астам келушіні, 2 260 қатысушы компанияны және 54 ұлттық мұнай компаниясының өкілдерін біріктіріп, мұнай-газ саласындағы өндірушілер, жеткізушілер мен тапсырыс берушілер арасындағы ынтымақтастықты дамытуға арналған жетекші халықаралық алаңдардың біріне айналды.
Көрме аясында KSP Steel делегациясы халықаралық мұнай-газ компанияларының өкілдерімен, әлеуетті тапсырыс берушілермен және стратегиялық серіктестермен 230-дан астам іскерлік кездесу өткізді. Келіссөздер қорытындысы бойынша 28 000 тонна жіксіз болат құбырларын жеткізуге сұраныстар алынды. Бұл шетелдік нарықтардың қазақстандық өндірушінің өнімдеріне деген жоғары қызығушылығын көрсетеді.
Перспективалы бағыттардың бірі Мысырмен ынтымақтастықты дамыту болды. Бұл елге құбыр өнімдерін жеткізудің жоспарланған жылдық көлемі 16 000 тоннадан асады. Қол жеткізілген уағдаластықтар компанияның экспорттық географиясын одан әрі кеңейтуге және Таяу Шығыс пен Солтүстік Африка нарықтарындағы қатысуын нығайтуға негіз қалайды.
Көрменің маңызды нәтижелерінің бірі Marubeni компаниясының премиум класты бұрандалы қосылыстарына лицензия алу туралы шартқа қол қойылуы болды. Бұл қадам KSP Steel компаниясының технологиялық мүмкіндіктерін дамытуға, өнім ассортиментін кеңейтуге және халықаралық мұнай-газ нарығындағы бәсекеге қабілеттілігін арттыруға бағытталған.
KSP Steel — Қазақстандағы мұнай-газ саласына арналған жіксіз болат құбырларын толық өндірістік циклмен шығаратын жалғыз өндіруші. Кәсіпорын болат балқытудан бастап құбыр өндіруге, термиялық өңдеуге және дайын өнімнің сапасын бақылауға дейінгі барлық өндірістік кезеңдерді қамтиды.
ADIPEC 2026 көрмесіне қатысу қазақстандық металлургияның экспорттық әлеуетін растап, отандық өнімді әлемдік нарықта ілгерілетуге жаңа мүмкіндіктер ашты.
KSP Steel халықаралық нарықтағы қатысу аясын жүйелі түрде кеңейтуді, технологиялық құзыреттерін дамытуды және Қазақстанның әлемдік мұнай-газ саласына арналған жоғары сапалы құбыр өнімдерін өндіруші ретіндегі мәртебесін нығайтуды жалғастыруда.
